| 26-01-2007今日打俾Sukie，本來想約佢叫佢拎番條電話USB線，條線放左係我度都成幾個月，點知我未講清楚目的，反問我有無打過電話俾佢，仲話：「我條仔唔鍾意男仔打電話黎，你都係以後唔好搵我！」我當堂O嘴。乜仲有D咁既男仔會要求女朋友同所有男性朋友斷絕交往？ 而Sukie竟然意D咁既人，我唯有祝佢地既關係可以保持長久啦...... 好彩仲有人識氹番我，今晚Cathy妹妹返香港仔，順道探下我同埋我地班同事，佢仲買左朱古力新地俾我，真係開心。 |
| |
| 《比華利山的風光》
久違了，比華利山的風光......還有那一顆熱刺的心...... |
| |
| 今日本來約左師妹打羽球，但中午打俾佢既時候仲訓緊，3點鐘再打俾佢時電話無人聽，一定係訓死左。點解約人打羽球都咁艱難？不過點都無阻我約人既熱誠，點都要打番夠本。 結果將空餘出黎既時間執屋，將D無用既雜物清理。跟住將執左差不多半年，有足一個環保袋既舊書拎去屋企附近既二手書店放賣，十幾本書先回收得$30，係書店度見到有一本《巴菲特法則‧實戰分析》既書，結果係咁樣同個書店老闆交換書。放賣既書，有好幾本關於電視、電影的，但到今好不客氣賣左佢。連Cherry都問我：乜你唔係好鍾意電影咩？我係鍾意電影，但係呢幾年既經歷，令我唔會係電影方面投入太多，睇戲租碟都會，寫故仔都仲會；但如果我有多餘既錢都會諗點投資、買邊隻股票仲實際。 祝我今年股市大獲利，憑呢本《巴菲特法則》換番更多更多既書番黎。 |
| |
|  洗左好多錢......
星期二，繼續學跳舞。跳完舞之後終於買左部新電話，求其可以打得出打得入就算，無得影相無彩MON無得駁電腦，誠惠$299；之後行旺角愉林書屋，用$60買左本成本電話簿咁厚既《証券分析》，股神巴菲特都靠呢本書起家，唔睇唔得。 星期三，食粥$39；睇戲$120；爆谷氣水$31。夜晚約左VENUS,SO-YING等食晚飯，每人$150。 星期四，買羽毛球拍$100，BOOK場$59，但竟然俾人放飛機 ，唔開心。結果返香港仔入左「十大書坊」會員，預繳$100，租埋《聖鬥士星矢》冥王篇，開解一下自己...... |
| |
| 進步......每一日都在進步...... 最近「進步」呢個名詞經常在腦海裏浮現，一來是為「新年進步」，二來是為近日所發生的事情而感發。早前參加NEWAY內部既管理學課程，讀經濟學同資訊管理學兩科，最近派左成續，經濟羅第一名，資訊管理羅第二名。雖然自己都覺得測驗卷程度只有中三、中四，但畢竟每次我都用盡所有努力應付，3點鐘測驗，12點鍾就已經坐在快餐店，邊吃午餐邊溫書。 我將我的成續話過俾師妹、Cherry同埋洁洁妹知。洁洁讚我「叻仔」，真係開心死我 。而Cherry......同佢實在太知己了，不用多說己經心知，唯一值得提的話是「我可以走得遠......」 我可以走得更遠......我可以走得更遠......我要走得更遠！ 而話俾師妹知呢？佢無乜表示。感覺己經有好大不同，仲記得有兩次與師妹同埋一班同事食早餐，佢地所講既話題對我來說簡直是另一個世界所發生的事：打交、跟黑社會、守行為、「隊草」、墮胎......我工作的是一個怎樣的環境？有人說：「同流而不合污」，但事實是：不是我影響別人，就是別人影響我。 除非我能忍心定下目標，並向目標前進，否則只有退步下場...... |
| |
